Каспий құбыр консорциумы: Жөндеу жұмыстарына бір ай уақыт қажет

Каспий құбыр консорциумының теңіз терминалындағы жөндеу жұмыстарына бір ай уақыт қажет. Қазір теңіз терминалының акваториясындағы метеожағдай тұрақталып, Бірінші жабдықтар кешені толық тексерілген. Инспекция айлақтық құрылғы жарамды және мұнай тиеуге болады деген қорытынды шығарған.

Бүгінде бірінші кешеннен тиеу штаттық режимде жүріп жатыр. Ал екінші және үшінші кешен қолданыстан шыққан күйі тұр. Қазір қажетті қосалқы бөлшектер мен жабдықтарды жеткізу мәселесі шешілуде.

Айта кетейік, 22 наурызда Қара теңіз акваториясына мұнайдың төгілу қаупін болдырмас үшін мұнай тиейтін барлық үш айлақтық құрылғылар жұмысын тоқтатты. Мұндай шешім дауыл салдарынан жабдықтарының зақымдануы анықталғаннан кейін қабылданған.

Сәбит Әлдебай