Алматыда «Жаңа Қазақстан» жастар қозғалысы құрылады

Алматы белсенділері мен бірқатар кәсіпкерлер «Жаңа Қазақстан» атауымен жастар қозғалысын құрады. Президенттің жаңа бағытын жүзеге асыру үшін ел азаматтары қолдау көрсету керек деген белсенді топ, 18 наурызда студенттер фестивалін ұйымдастырмақ. Шара жеке кәсіпкерлердің демеушілігімен өткізіледі. Танымал өнер жұлдыздары мерекелік бағдарлама ұсынып, жастарға өнегелі әңгіме айтып, өз тәжірибелерімен бөліседі. Студенттердің белсенділігін арттыруға бағытталған мұндай шаралар алдағы уақытта да жалғасын табады.

Сырымбек Тау, кәсіпкер, меценат:

Президентіміздің сөзі: «Ешкім келіп, бізге Қазақстанды жаңалап жасап бермейді». Сондықтан біздің жастарымызды жақсы жаққа тәрбиелеу үшін біз осы шараны ұйымдастырып жатырмыз.