Жаңа Қазақстан – егемен елдің, болашақтың бейнесі – тұрғындар

Заман қаншалықты күрделі болса да біз бағдарымыздан айнымаймыз. Өткеннен тағылым алған еліміз келешекке сеніммен қадам басады. Мемлекет басшысы Қасым-Жомарт Тоқаевтың бұл сөздері халықты жарқын болашаққа жетелейді, бірлікке үндейді. Сондықтан ең басты байлығымыз егемен елдің тәуелсіздігін тұғырлы ету, дейді көпшілік.

Наталья Хильмурадова, қала тұрғыны:

Ең бастысы, егемендігімізді сақтап қалу. Қазіргі уақытта біздің барлық әрекетіміз осы арнаға бағытталуы тиіс. Қасым-Жомарт Тоқаев өз Жолдауында еліміздегі келелі мәселелерді қозғап, шешу жолын ұсынды. Сонымен қатар Мемлекет басшысы ел Президентінің туыстары мемлекеттік қызметке араласпайтынын айтты. Осылайша ол халық мүддесін бәрінен жоғары қоятынын көрсетті.

Ажар Сыздықова, қала тұрғыны:

Саяси жаңғыру болмаса, онда болашақта мемлекетті экономикалық, әлеуметтік жағынан дамыту қиындай түседі. Партияны тіркеу үшін бұған дейін 20 мың адам қажет болса, 5 мыңға дейін азайған болатын. Және бұл болашақта мемлекетіміздегі партиялардың құрылуына, жалпы партиялардың арасындағы бәсекелестікті дамытуға өз үлесін тигізетінін айтып кетуге болады.

Эльмира Кәленова