Қаңтар оқиғасы: Зерттеу жұмыстары жан-жақты жүреді

Қаңтар оқиғасынан соң зерттеу жұмыстары жан-жақты жүріп жатыр. Әсіресе, жастардың тәртіпсіздіктерге қалай барғаны анықталады. Ал сот сараптама орталығына 5000-нан аса материал түскен. Мамандар олардың 10 түрлі бағыт бойынша тексерілетінін айтады. Осы мақсатта 30-дан аса сарапшы 5 өңірге жіберілген.

Ілияс Исмаилов, Сот сараптамалары орталығы директорының орынбасары:

Өз тарапымыздан заңмен бізге жүктелген міндеттерді неғұрлым сапалы, тез орындауға күш салып жатырмыз. Қазір бізге қажетті ресурстар бар. Соларды тиімді әрі оңтайлы пайдалануды қадағалаймыз.

Ілияс Түстікбаев, Қазақстан студенттері альянсының төрағасы:

Мемлекет басшысының тапсырмасына сәйкес қазіргі ашықтық саясатында осы Қаңтар оқиғасы зерттеліп жатыр. Халыққа ашық айтылып жатыр. Барлығы ашық айтылуы керек. Сонымен қатар біз жастарға, студенттерге осы салдарды түсіндіруіміз керек. Бұл осы сәтте болған оқиғаның соңы ғана емес, ол алдағы уақытта да қайталанбас үшін соның алдын алуымыз керек деп есептеймін.