Көкшетаудағы жылу қазандығын жөндеуге 2,8 млрд теңге қажет

Көкшетаудың жылу қазандығы биыл жөнделмесе, келесі жылыту маусымында жағдай қиын болады. Биылдың өзінде көпқабатты үйлерде салқын болды. Қазандықты жөндеуге 2,8 миллиард теңге қажет. Кәсіпорын бұл қаражатты бюджеттен субсидия ретінде бөлінуін сұрап отыр. Себебі өздерінде ақша жоқ. Тарифтың төмендігінен осындай жағдайға жеттік, - дейді мамандар. Кәсіпорын жұмысы өзін-өзі ақтау үшін 7 миллиард теңге қажет. Ал тұтынушылардан түсетен табыс 4 миллиард төңірегінде. Көкшетауда жылу электр станциясын салу жоспарланған. Алайда, құрылыстың қашан басталатыны белгісіз.

Ермек Елберген