Қаңтар оқиғасында Алматы облысында 5 әкімшілік нысанға нұқсан келді

Қаңтар оқиғасында Алматы облысында 5 әкімшілік нысанға нұқсан келді. Ең қатты бүлінгені облыс әкімдігінің ғимараты. Бұзақылар қиратып, тонап, соңынан өрт қойған. 4 ғимаратты жөндеуге 7,4 млрд теңге қажет. Қазір нысандар қалпына келтіріліп жатыр. Жалпы сомасы 156 млн теңге болатын 63 қызметтік көлік бүлінген. Сондай-ақ облыс бойынша 125 кәсіпкердің бизнесі зардап шекті. 146 нысан тоналып, қиратылды. Олардың жалпы шығыны 4 млрд теңгеге жуық. Атамекен облыстық кәсіпкерлер палатасы зардап шеккен тұлғаларға заңгерлік кеңес беріп, көмек көрсетуін жалғастыруда. Осы күнге дейін өңірлік комиссияның 9 отырысы өтіп, кәсіпкерлердің 82,5 млн теңге көлемінде 61 арызы мақұлданды.