Алматы облысында жүйелі түрде пара алғандар ұсталды

Алматы облыстық көліктік бақылау инспекцияның үш қызметкері жүйелі түрде пара алып келген. Облыстық Сыбайлас жемқорлыққа қарсы қызмет департаменті, Ұлттық қауіпсіздік комитеті және Көліктік прокуратура қызметкерлерінің бірлескен операциясы барысында бөлім басшысы мен оның екі маманы ұсталды. Олар былтырдан бері кәсіпкерлерден жолда кедергісіз жүріп тұрғаны үшін және әкімшілік жауапкершілікке тартпағаны үшін 50 мыңнан 280 мың теңгеге дейін пара алып отырған. Қазір қылмыстық іс қозғалып, тергеу амалдары жалғасуда.

Қуаныш Қанатұлы