Қаңтар оқиғасында жапа шеккендерге қаржылай қолдау көрсетілмек

«Қазақстан халқына» қоры қаңтар оқиғасында жапа шеккен азаматтарға 7 миллион теңгеден аударады. Атаулы көмек қаза тапқан әскерилердің және кездейсоқ құрбан болған бейбіт тұрғындардың отбасыларына беріледі. Ауыр жарақат алған әскери қызметшілер мен жараланған балалардың отбасыларына да 3 миллион теңгеден аударылады. Осы және өзге мәселелермен бөліскен қор мүшелері, жаңа жобалардың жүзеге асырылып жатқанын да ескертті. Олар арқа бұлшықет атрофиясы, орфандық дертіне шалдыққандарға ең қымбат дәріні сатып алу мен сал ауруымен ауыратын науқастарға да көмектеседі.

Ләззат Шыңғысбаева, «Қазақстан халқына» қоры төрағасының орынбасары:

Үш-төрт өңірде осындай орталықтарды ашып, жалпы осы жылда 200 баланы спортқа шақырып, денсаулықтарын реттейтін дамытатын орталықтар көмектесіп ашсақ па деп жоспарлап отырмыз.