Көкшетауда жастарға қызмет көрсету орталығы ашылды

Көкшетауда жастарға қызмет көрсету орталығы ашылды. Онда жұмысқа орналасу, баспана алу сынды өзекті сұрақтар бойынша мамандар кеңес береді. Сондай-ақ, мемлекеттік бағдарламалардың мүмкіндіктері түсіндіріледі. «Отбасы банкінің» мамандары үй алудың тетіктерін айтса, кәсіпкерлер палатасының өкілдері бизнесті бастаудың жолдарын көрсетпек. Психологиялық, заңнамалық көмек көрсету де қарастырылған. Қызметтің бәрі тегін.

Мәнсия Есекеева, Облыстық жастар ресурстық орталығының жетекшісі:

Осындай консультативтік алаң арқылы жұмыссыз жастар өздерінің бағытын табады деген ойдамыз. Бұл орталықты ашудың негізгі себебі – жастар арасындағы NEET санатындағы жастардың санын азайту. Одан кейін, қазіргі уақыттағы тілектерге, жұмысқа орналасу бойынша сұрақтарға жауап беру. Одан кейін біздің жастарға жасалып жатқан қолдауды одан сайын арттыру және оны жастар арасында тарату.

Ермек Елберген