Жаңалықтарды Telegram арнамыздан оқыңыз!«Таңғы төрттен бастап кезекке тұрасың». Алматылықтар Жетісу ауданындағы мамандандырылған халыққа қызмет көрсету орталығындағы ұзын-сонар кезекке шағымданды. Жиналғандардың барлығы жүргізуші куәлігін алу үшін емтихан тапсыруға келгендер. Бірақ, олар өз кезегін сағаттап күтуге мәжбүр. «Өйткені шаһардағы екі орталықтың қазір біреуі ғана жұмыс істеп тұр», - дейді тұрғындар. Видео авторының сөзінше, мұнда күнделікті 200-ден астам адам жиналады.
Ал, мекеменің күніне 60 адам ғана қабылдауға мүмкіндігі бар. Сонда қалғандары қайда барады? Халыққа қызмет көрсету мекемесі мегаполисте жүргізуші куәлігін ауыстыруға және қайта тіркеуге болатын 5 осындай орталық жұмыс ітсеп тұрғанын айтады. Кемел және Саялы ықшам аудандарында емтихан тапсыруға мүмкіндік бар. Дегенмен Саялыдағы емтихан тапсыру алаңында жаңғырту жұмыстары жүріп жатыр. Жақын арада қолданысқа берілмек.
Нұрсұлтан Тілектес
