Жаңалықтарды Telegram арнамыздан оқыңыз!Алматы облысында 1997 жылғы Үкімет қаулысымен бірігіп кеткен шекаралы аудандарды қайта бөлу мәселесі қаралады. Бұл туралы облыс әкімі Қанат Бозымбаев баспасөз мәслихатында айтты. Өңір басшысы Жетісудың 2025 жылға дейінгі экономикалық даму жоспарын таныстырды. Өнеркәсіп, ауылшаруашылығы, туризм салаларына қан жүгірту күн тәртібіндегі басты тақырып екенін жеткізген ол аймақтағы проблемаларға да тоқталды. Ауыз су, үш ауысымды мектептер мәселесіне ерекше мән берілмек. Алматы облысының елдімекендерінде төрт түлікті жаятын жер жоқ. Алдағы екі жылда игерілмей жатқан жерлер мемлекет меншігіне қайтарылып, ауылдық округтердің пайдалануына берілмек.
Қанат Бозымбаев, Алматы облысының әкімі:
Әр ауылдың төңірегінде жатқан жерлерді түгендеп, халықтың малын санап, тиісті жерін ауылдарға қайтара беру керек. Сот арқылы шешеміз бе, басқаша шешеміз бе, қазір заң бізге құқық беріп жатыр. Соны қолға алып біз жасаймыз.
Қуаныш Қанатұлы
