Петропавлда мас күйде аялдамада ұйықтап қалған шенеунік қызметінен босатылды

ҰЭМ Табиғи монополияларды реттеу комитетінің Солтүстік Қазақстан бойынша департамент басшысы Абай Балабековке қатысты іс тәртіптік кеңесте қаралды. Оқиға өткен жылдың қараша айында тіркелді. Автобус аялдамасында алаңсыз ұйықтап жатқан мемлекеттік қызметшіге патрульдік полиция тап болған. Онлайн өткен кеңесте айыпты жүрек талмасы болғандықтан, көшеде жатқанын айтып ақталды. Алайда медициналық куәландыру оның спирттік ішімдік ішкенін көрсеткен.

Махаббат Самрат, Мемлекеттік қызмет істері агенттігінің СҚО бойынша департаментінің бас маманы:

Балабеков негізінде 1-рет Әдеп кодексінің нормаларын бұзып отырған жоқ. 2020 жылы мас күйінде көлік тізгіндеген және өз көлігін мас адамға жүргізуге мүмкіндік берген.

Эльмира Кәленова