Алматы облысында карантиндік шектеулер күшейтілді

Жаңа қаулыға сәйкес, мейрамханаларда той-томалақ, корпоративтік басқосулар өткізуге тыйым салынды. Сондай-ақ, діни шараларға, мешіттерде жұма намаз оқуға, шіркеулерде жаппай құлшылық етуге шектеу қойылды. Ас беру, еске алу шараларында адам саны 30-дан аспау керек.

Мұнан бөлек конференция, семинарлар мен форумдар, көрмелер ұйымдастыруға рұқсат жоқ. Себебі облыста індет жұқтырғандар саны азаяр емес. Соңғы тәулікте аймақта коронавирус диагнозымен 354 адам тіркелді. Өңір «қызыл» аймақта.  

Әлия Шағиахмет, облыстық Санитарлық-эпидемиологиялық бақылау департаментінің ресми өкілі: 

Концерттік залдарға, филармонияларға, яғни репитиция жасауға тыйым салынады. Цирктердің қызметі біраз тоқтатылды. Облыста кинотеатрлар «ASHYQ» жобасына қатысатындар 30 пайыздық толымдылықпен жұмыс істейді.

Қуаныш Қанатұлы