Алматыда бүгіннен бастап метро жүре бастады

Алматыда бүгіннен бастап метро жүре бастады. Қаладағы бүлікке байланысты метрополитен 5 қаңтардан бастап жабық тұрған.  

Мекеме баспасөз қызметінің хабарлауынша, мегаполистегі барлық 9 станция қалыпты жұмыс істеп тұр. Шаһарда енгізілген төтенше жағдайға байланысты жерасты көліктері жолаушыларды таңғы сағат 07:00-ден кешкі 21:00-ге дейін тасымалдамақ. Рейстер аралығы - 10-13 минут.

Айта кету керек, былтыр ғана екі бірдей жаңа станцияның құрылысы аяқталған. Олар бірнеше айдың ішінде қолданысқа берілмек.