Алматы облысында карантиндік шаралар күшейді

Алматы облысында бүгіннен бастап карантиндік шаралар күшейді. Өңірде ковид жұқтырғандар саны көбейіп барады. Өткен тәулікте коронавирус диагнозы 410 адамнан анықталып отыр.  

Облыстың бас санитариялық дәрігерінің қаулысы бойынша оқушы саны 600-ден асатын мектептер онлайн форматқа көшірілді. Бұл шамамен 320 мың оқушы. 477 мектеп қана дәстүрлі форматта жұмыс істейді.  

Мейрамханалар 50 пайыз, кинотеатрлар 30 пайыздық жүктемемен қызмет көрсететін болды. Сондай-ақ облыста діни рәсімдерге шектеу қойылды. 

Қуаныш Қанатұлы