«Қазақстан халқына» қорының игілігін көпшілік жақын арада көре бастайды

«Қазақстан халқына» қорындағы қаражат денсаулық сақтау, білім беру, әлеуметтік саладағы өзекті мәселелерді шешуге бағытталады. Ол мұқтаж тұрғындарды жан-жақты қолдауға арналған ауқымды жоба. Қор ешбір мемлекеттік органға қарамайды. Қызметі мен бюджеті халық алдында ашық жүргізіледі. Сарапшылардың пікірінше, қордың игілігін қалың бұқара жақын арада көре бастайды.  

Жанат Момынқұлов, ҚР Президентінің жанындағы мемлекеттік басқару академиясы кәсіби даму институты директорының орынбасары:
Президентіміз жаңа бір тәсілді ұсынып отыр. Ол мемлекеттің қаржысына байыған тұлғаларды халыққа көмектесуге шақырып отыр. Яғни осы бағытта «Қазақстан халқына» қоры құрылады. Саяси ерік болған жағдайда бұл мәселені қысқа уақыт ішінде шешуге болады деп ойлаймын. Ал Президентте бұл мәселеде саяси ерік бар.