Жаңалықтарды Telegram арнамыздан оқыңыз!Алматы облысында антитеррористік операциялар барысында 700-ден астам адам ұсталды. 65 қылмыстық іс қозғалып 60-тан астам күдікті уақытша қамау изоляторына тоғытылды. Олардан 100-ден астам қару тәркіленді. Атап айтқанда 70-ке жуық Макаров тапаншасы, 8 автомат, 7 травматикалық қару мен 10-нан астам аңшы мылтығы табылды. Өңірде лаңкестерге қарсы жедел әрекеттер жалғасып жатыр. Айта кету керек облыс аумағында комменданттық сағат мерзімі қысқарды. Осы уақытқа дейін бұл аймақта комменданттық режим кешкі сегізден басталып жүрді. Бұдан былай шектеулер Президент бекіткен түңгі 23.00-ден таңғы 7-ге дейін жалғасады. Облыс комменданты Серік Күдебаев тұрғындарға әлі де болса түсіністік танытып, себепсіз көшеге шықпауын өтінуде.
