Түзеу мекемелері ерекше жағдай режимінде жұмыс істеп жатыр

Еліміздегі қылмыстық атқару жүйесінің мекемелері ерекше жағдай режимінде жұмыс істеп жатыр. Осыған байланысты, түзеу мекемесі мен тергеу абақтысында отырған азаматтармен кездесуге, оларға сәлемдеме беруге шектеу қойылған. Елордадағы қылмыстық атқару жүйесінің департаменті осы жағдайға түсністікпен қарауға шақырды. Туындаған сұрақтар бойынша кезекші бөлімге хабарласып, жалған ақпарат таратпауға кеңес берді.

Мейрам Әбікеев, Нұр-Сұлтан қалалық ҚАЖ департаменті бастығының орынбасары:
Бұл ретте сәлемдемелер заңнамада көрсетілген тәртіппен ұсынылуы үшін шаралар қабылдайтынымызды хабарлаймыз. Мекемелерде ерекше жағдай режимі енгізілуіне байланысты барлық берілмеген кездесулер сақталады және неғұрлым кеш мерзімде беріледі.