Мемлекеттік қызметшілер қайта даярлаудан өтуі керек

Халықтың алдына шығып сөйлей алатын әкімнен бастап, әлеуметтің мұң-мұқтажына дейін түсінетін мемлекеттік қызметшілерді дайындауымыз керек. Мемлекет басшысы Үкіметке тиісті тапсырма берген соң, Президент жанындағы Мемлекеттік басқару академиясы бұл мәселеге айрықша ден қоя бастамақ. Осы орайда оқу мекемесі оқыту бағдарламаларына жаңашылдықтарды енгізгелі тұр.

Еркін Дүсіпов, ҚР Президентінің жанындағы Мемлекеттік басқару академиясының бірінші вице-ректоры:

Біздің академияда «Жобалық менеджмент» деген бар. Бұл - өте жақсы нәрсе. Яғни ауылдық округте ғимарат салу керек болса,  жобасын жасап, ауыл әкімі түсіндіреді. Оның мерзімі қандай, қай уақытта бітуі керек, нәтижесі қандай, бізге қандай мүмкіндік береді, халықтың дамуына қандай үлес қосатынын айтады. Сондықтан қазір бүкіл филиалда осындай жұмыс жүргізіледі.