Қарапайым халықтың мүддесін көздейтін маңызды реформалар жасалады – сарапшы

Мемлекетті басқару тәсілдері түбегейлі өзгереді және қоғамды дамыту үшін қажетті шаралар қолға алынады. Сарапшылардың сөзінше, Президент өз сөзінде осыған қатысты бірқатар тапсырмаларды нақты атап өтті. Мемлекет басшысы да, халық та жаңа Үкіметке үлкен сенім артады.

Оразғали Сельтеев, Еуразиялық интерграция институтының директоры:

Президент сөзінде мемлекетті дамыту үшін елді басқару тәсілдерін түбейгейлі өзгеретінін мәлімдеді. Қарапайым халықтың мүддесін көздейтін маңызды реформалар жасалмақ. Бұл - Тоқаев халық Президенті екенін көрсетеді. Осылайша, Мемлекет басшысы да, біз де жаңа Үкіметке мол сенім артып отырмыз. Бірқатар нақты тапсырмалар берілді. Енді қоғам болып соларды орындауға жұмыла кірісу керек. Өндірушілердің кеңейтілген міндеттемелері операторы, утиль алым, LRT құрылысындағы шешілмей келген мәселелер белгілі бір топтың мүддесін ғана көздеген. Осындай проблемаларға азаматтарымыз талай шағымданды, енді билік бұған нақты шара қолданбақ.