Бүлік кезінде Қарулы күштердің 287 әскери қызметші түрлі жарақат алған

Еліміздегі соңғы оқиғаларға байланысты госпитальдар, лазареттер мен әскери-медициналық бөлімшелер күшейтілген режимде жұмыс істеп жатыр. Зардап шеккендердің көп болуын ескере отырып, қысқа мерзімде операциялық бөлмелер ашылып, дәрігерлік бригадалар құрылған. Бұл туралы Қорғаныс министрлігінің баспасөз қызметі хабарлады.

Бүлік кезінде террорлық топтардың шабуылынан Қарулы күштердің бір әскері қаза тауып, 287 әскери қызметкері түрлі жарақат алған. Оның 102-сі стационарлық ем қабылдап жатыр.