Халыққа қызмет көрсету орталықтары қайта жұмыс істей бастады

Елімізде бүгін Халыққа қызмет көрсету орталықтары қайта жұмыс істей бастады. Бірақ әзірге тек Алматы қаласы мен Алматы облысындағы орталықтардың қызметі тоқтап тұр. Қалған аймақтарда орталықтар штаттық режимде сағат 9.00-ден 18.00-ге дейін ашық болады. Алайда елімізде мамандандырылған халыққа қызмет көрсету орталықтары әзірге жұмыс істемейді.

Ерболат Нұртазин, «Азаматтарға арналған үкімет» КЕАҚ фронт-офистерді үйлестіру департаменті директорының орынбасары:

Қазіргі таңда біздің ХҚКО барлық құжаттар қабылданып жатыр. Интернет себебіне байланысты ақаулықтар туатын жағдайда бізде құжаттар қабылдана береді. Бірақ мемлекеттік БАЖ салығын төлеу бойынша ақау туу мүмкін. Сол себепті түсіністікпен қарауды өтінеміз.