Жаңалықтарды Telegram арнамыздан оқыңыз!Батыс Қазақстан облысында полиция бөлімшелеріне тәртіпке бағынбаған 575 адам жеткізілді. Көбіне қандай құқық бұзғаны түсіндіріліп, үйлеріне жіберілген.
Ардақ Мұратқызы, тілші:
Облыста қауіпсіздік шаралары күшейтілді. Төтенше жағдай жарияланғаннан бері 600-ге жуық адамға ескерту жасалды. Сондай-ақ, 37 адам жағдай толық анықталғанша уақытша ұстауда отыр. Ал 10 адам әкімшілік жауапкершілікке тартылып, 20 тәулікке қамалды. Олардың ішінде 6-на заңсыз митингке шақырды деген айып тағылып отыр. Біреуі төтенше жағдай тәртібін бұзған. Соңғы тәулікте блокбекеттерден 7 аңшы мылтығы тәркіленді. Мас күйінде көлік жүргізген 5 адам ұсталды. Ал кеше Алматыдағы жаппай тәртіпсіздікке қатысып, қашып, облыс аумағында ұсталған мародёрлар Орал қаласының тұрғындары боп шықты. Бір күдікті уақытша ұстау изоляторына қамалды, екіншісіне «ешқайда шықпау туралы» шектеу берілді.
Ардақ Мұратқызы
