Павлодар: Аймақта сұйытылған газ бағасы литріне 70 теңге, шалғай ауылдарда 75 теңгені құрайды

Павлодарда жағдай тұрақты, бірақ тәртіп күшейтілген. Полиция 300-ден астам адамды ұстады. Блокбекеттер әзірге бақылауды бәсеңдетпейді. Облысқа кіріп шығатын автокөліктер қатаң түрде тексеріліп6 тізімге алынады. Комуналдық және сервистік қызметтің барлық түрі тұрақты жұмыс істеп тұр.

Аймақта сұйытылған газ бағасы арзандады. Литрі - 70 теңге. Ал шалғай ауылдарда 75 теңгені құрайды. Азық-түлік құны да көтерілген жоқ. Тұрақтандыру қорына 1 млрд 700 млн теңге қаржы бөлінген. Соның нәтижесінде 7,5 мың тонна арнайы қор жасақталды.

Полиция түнгі 23:00-ден кейін көше кезген 327 адамды ұстады. 165 көлік айып тұрағына қойылды.