Жаңалықтарды Telegram арнамыздан оқыңыз!Төтенше жағдай кезінде тәртіпті сақтау маңызды. Ережелерге бағынып, азаматтарымыз түсіністікпен қарау керек. Ұлттық арнаға сұхбат берген ҚР Парламенті Мәжілісінің депутаты Дархан Мыңбай осылайша азаматтарымызды тәртіпке шақырып отыр. Депутат қазіргі уақытта популизмнен аулақ болып, бірлігімізді көрсетуіміз қажет, дейді.
Дархан Мыңбай, ҚР Парламенті Мәжілісінің депутаты:Шиеленіскен қиын күндері біз қиындыққа шыдап, төзген ерді көрдік, соны сезген елді көрдік. Ол біздің еліміз. Қазіргі жедел түрде орындалып жатқан шаралар өте орынды. Төтенше жағдай деп отырмыз, соның заңдылықтарын сақтау өте маңызды. Әлі де біреулер беймезгіл жүреді, қоғамдағы болып жатқан жағдайға байланысты ережелерді бұзып жатқан адамдарға не дейміз? Ол дұрыс емес. Қарапайым ережелер бар, төтенше жағдай кезде жеке құжатттарын алып жүру керек. Өр көкірекке салынып, мені ұстама деген сияқты текетіреске барады, мұның барлығы мәдениетсіздік. Кез келген құқық қорғау органдардың талабына жауап беру, қажет болса тергеу бөліміне бару керек. Кез келген адам тәртібін көрсету арқылы тыныштығымызға үлес қоса алады.
