Талдықорғанда облыстық «Жетісу» телеарнасы мен «Журналистер үйін» әскерилер күзетуде

Талдықорғанда жағдай тұрақталып келеді. Қалаға әскерилер кірді. Шаһарды енді десантты шабуылдаушы бригаданың сарбаздары күзетіп, көшелерді шолуға кірісті. Броньді техника және мұздай қаруланған әскерилер маңызды нысандарды күзетуге кіріскен. Олардың қатарында облыстық «Жетісу» телеарнасы мен өзге де бұқаралық ақпарат құралдары орын тепкен «Журналистер үйі» де бар. Антитеррорлық операция жалғасып жатыр.

Серік Күдебаев, Алматы облысының коменданты:

Қазіргі кезде жағдай бақылауда. Бірінші кезектегі қажетті нысандардың барлығы штаттық режимде жұмыс істеп тұр. Тұрғындардан жағдайға түсіністікпен қарап, тыныштық сақтап, үйден себепсіз шықпауды сұраймын. Облыс аумағында террористік қауіптің «қызыл деңгейі» еңгізілді. Құқық қорғау органдары заңды талаптарға бағынбаған жағдайда қару қолданатының ескертемін.