Еліміздің 11 өңірінде эпидахуал нашарлады

Ел аумағында коронавирустың «Омикрон» штамы анықталуына байланысты эпидахуал күрт нашарлады. Премьер-Министрдің орынбасары Ералы Тоғжанов бастаған ведмостоаралық комиссия отырысында жаңа штамның таралу қаупін азайту шаралары пысықталып, жауапты мекемелерге нақты тапсырма берілді. Айта кетейік, соңғы 1 тәулікте республика бойынша вирус жұқтырудың 1500-ге жуық дерегі тіркелді.

Соның 75 пайызы Нұр-Сұлтан, Алматы, Шымкент қалаларында анықталған.

Айжан Есмағамбетова, ҚР ДСМ Санитарлық-эпидемиологиялық бақылау комитетінің төрайымы:

Соңғы 1 апта ішінде ел аумағында коронавирус жұқтырғандар саны 1,4 есе көбейген. Бұл көрсеткіш 17 облыстың 11-інде анық байқалып отыр. Қазір еліміз эпидахуал матрицасы бойынша «сары» аймаққа өтті. «Қызыл» аймақта Нұр-Сұлтан, Алматы мен Шымкент қалалары қауіптің «сары» деңгейінде. Көрсеткіштің бұлай өсуінің негізгі себебі – ел аумағында коронавирустың «омикрон» штамының анықталуы болып отыр.