Әуежайларда қауіпсіздік шаралары күшейтілді

Отандық әуе компаниялары да елдегі ахуал тұрақталғаннан кейін ғана өз жұмыстарына толығымен кіріспек. Өңірлерде интернеттің дұрыс жұмыс істемеуі салдарынан әуе кемелері өздерінің кестелері бойынша ұша алмай жатыр. Air Astana мен Fly Arystan компанияларының рейстері де кідіріп қалды. Дегенмен, елордадан шығатын кей рейстер сақталған. Бүгін олар Дубай, Мәскеу, Франкфурт, Атырау, Қызылорда, Шымкент пен Кутаисиге дейін орындалады. Сонымен қатар, Air Astana компаниясының өкілдері барша азаматтарға елдегі тәртіпсіздіктер қалыпқа келтірмейінше әуежайларға кірмеулерін сұрайды.

Тілек Әбдірахымов, «Air Astana» компаниясының баспасөз хатшысы:

Хабарландыру алғаннан кейін ғана әуежайға келулерін сұраймыз. Өйткені көп адамдарға бір жерде жиналуға болмайды. Ол өте қауіпті. Осыны ескертейік деп едік.