Талдықорғанда жағдай тұрақталып келеді

Талдықорғанда жағдай тұрақталып келеді. Себебі шаһарды енді десантты шабуылдаушы бригаданың сарбаздары күзетіп, көшелерді шолуға кірісті. Дәл қазір өңірдегі тілшіміз бізбен тікелей байланысқа қосылды. Қуаныш, облыс орталығында болып жатқан жаңалықтармен бөліссеңіз?

Қуаныш Қанатұлы, тілші:

Бірнеше күн үреймен отырған талдықорғандықтардың бүгін жүректерінде үміт оты жанғандай. Себебі қалаға әскерилер кірді. Бүгінгі таңда әскери броньді техника және мұздай қаруланған әскерилер маңызды нысандарды күзетуде. Мәселен бұл - журналистер үйі. Бұл жерде облыстық «Жетісу» телеарнасы және өзге де бұқаралық ақпарат құралдары қызмет етеді. Дәл қазір бұл жерді бірнеше әскерилер күзетіп отыр. Айта кету керек антитеррорлық операция жалғасып жатыр. Оқтын-оқтын дабылдың дыбысы және атылған оқтың дауысы естілуде. Облыс әкімі Қанат Бозымбаевтың айтуынша азық-түлік тапшылығы болмайды. Сондай-ақ су, электр энергиясы, газ сынды инфроқұрылымдардан қалалықтар ешқашан қол үзбейді.

Қуаныш Қанатұлы