Елордада «Халық сақшылары» жасағы құрылды

Тәртіпсіздікке жол бермей, елдің тыныштығын күзетуге 500-ге жуық ерікті ниет білдірді. Елордада тұрғындар, белсенділер, танымал спортшылар мен өзге де сала мамандарынан құралған «Халық сақшылары» деп аталатын жасақ құрылды. Олар тәртіп сақшыларына қолдау көрсетіп жатыр. Мемлекеттік маңызы бар нысандарды, кәсіпорындарды күзетуге көмектесуде. Азаматтар елді лаңкестерден қорғау үшін тұрғындарды бірлікке үндеп, күш біріктіруге шақырды.

Әлібек Мұқатаев, Ат спорты федерациясының президенті:

Мұнда ұлтжанды бауырларымыз, спортшылар, қарапайым азаматтар жиналды. Біз қаланың қауіпсіздігін сақтап, бұзақылардың қылмыс жасап, елді тонауына жол бермейміз.