Дәурен Абаев: Лаңкестер курсанттың басын кесіп алған

Президент Әкімшілігі басшысының бірінші орынбасары Дәурен Абаев ел аумағында лаңкестердің біразы жойылып, қалғаны ұсталғанын жеткізді. Қазір олардың кім екені анықталып жатыр. Олардың экстремистік ұйымдарға қатысы бар болуы мүмкін.

Дәурен Абаев, ҚР Президенті Әкімшілігі жетекшісінің бірінші орынбасары:

Террористер сапында арнайы винтовкасы бар мергендер болды. Бақылау камераларын, байланыс пен аудиобейне жіберуші құрылғыларды олар сындырды. Олар негізінен тәртіп сақтау қызметкерлерін нысанға алған. Тіпті бір жас курсанттың басын кесіп алған оқиға тіркелді. Қазір 18 қызметкер қайтыс болғаны туралы дерек белгілі. Басында күш жеткіліксіз болды. Бірнеше өңірде жағдай күрделі болғандықтан, қосымша күш тарту қиындық туғызды.