Қарағанды облысында барлық мекеме қалыпты жұмыс істеп тұр

Қарағанды облысында қазір жағдай тұрақты, күштік құрылымдар қоғамдық тәртіпті бақылауға алған. Тәртіп бұзғандар болған жоқ. Бұған дейін өз алаңдаушылықтарын білдіріп, талаптарын қойған кәсіпорын жұмысшылары қазір толық өз жұмыстарына кіріскен. Аймақта 6-шы қаңтардан комменданттық сағат енгізіліп, Қарағанды маңында 8 блокбекет қойылды. Облыс орталығында түні бойы 50 экипаж қоғамдық тыныштықты күзетеді. Қазір жанар май құю бекеттерінде газ бағасы 70 теңгеден, ал бензин 181-182 теңгеден сатылып жатыр. Сондай-ақ, қаладағы барлық сауда орындары , базарлар, қоғамдық қызмет көрсету орындарпы штаттық режимде жұмыс істеуде. Банкоматтар қасында кезек бар.