Алматы қаласының әкімі Бақытжан Сағынтаев тұрғындарға үндеу жолдады

Алматы қаласының әкімі Бақытжан Сағынтаев тұрғындарға үндеу жолдады. Ол қала тыныштығын бұзуға арандатушылар экстремистік әрекеттерімен сырттан да, іштен де әсер еткенін айтты. Алматының тыныштығы мен бейбіт өмірін сақтау мақсатында құқық қорғау органдары қажетті шараларды қабылдап жатқанын жеткізді. Айтуынша, қазір қаладағы жағдай билік бақылауына алынды. Арандатушылар мен экстремистер ұсталып, бүлік салушылар анықталып жатыр.

Бақытжан Сағынтаев, Алматы қаласының әкімі:

Әкімдік қаланың тыныс-тіршілігін қамтамасыз ететін барлық саланы қалыпта ұстау мақсатында жұмыс істеуде. Біздің ортақ мақсатымыз – қаламызда тыныштық пен тұрақтылықты қамтамасыз ету, бейбіт халықты қауіп-қатерден аман сақтау. Сондықтан бәріңізді арандатушылық пен заңсыздық әрекеттерді қолдамауға шақырамын. Бүгінгі түнде қаламыздың тыныштығын сақтауға атсалысқан тәртіп сақшылары мен барлық жауапты қызметкерге түсіністік танытып, жауапкершілікпен қараған алматылықтарға рахметімді айтамын.