Түркияда халыққа жергілікті «Turkovac» вакцинасын егу басталды

Бүгін Түркия госпитальдерінде халыққа жергілікті мамандар жасаған «Түрковак» вакцинасын салу науқаны басталды. Оны алғашқылардың бірі болып, елдің денсаулық сақтау министрі Фахреттин Қожа ектірді. Ол коронавирус эпидемиясы қайта күшейіп, «Омикрон» штамы тез тарап жатқандықтан, отандастарын міндетті түрде иммундалуға шақырды. Дегенмен министрдің мәлімдеуінше, осы індетпен ауруханаға түсіп жатқандар көбейіп отырған жоқ.

Түркияда 51 жарым миллиондай адам толық вакциналанған. Ал өткен тәулікте ел аумағында 36700-дей ковид жұқтыру оқиғалары тіркеліп, қауіпті инфекциядан 142 адам қайтыс болған екен.

Арыстан Рысбек