Оралда көпбалалы отбасыларға жаңажылдық тарту жасалды

Оралда көпбалалы, әлеуметтік жағынан аз қамтылған отбасыларға жаңажылдық тарту-таралғы жасалды. Әкімдік, білім беру бөлімінің қызметкерлері осы санаттағы 300-ге жуық баланы қуантып, сый-сияпат табыс етті. Тосыннан келген Аяз ата, Ақша қар, басқа да ертегі кейіпкерлері жеткіншектерді мерекелік көңіл күйге бөледі. Балалар да сабақтағы, өнердегі жетістіктерін айтып, өлең-жыр оқыды. Жаңажылдық тілектерін паш етті. Олардың ішінде 8 жыл бұрын дүниеге келген үшемдер де бар.

Жанна Құрмашева, көпбалалы ана:

«Бақытты отбасы» бағдарламасы шыққанда біз сол бағдарламаға қатысып, осы үйді алып, қалаға көшіп келдік. Бес балам бар. Үлкені 4-сыныпта оқиды, одан кейін үшемдерім 3-сыныпта және кішкентай 3 жастағы қызым бар. Сабағы жақсы балаларымның. Барша қазақстандықтарды Жаңа жылмен құттықтаймын!

Ардақ Мұратқызы