Украинаның шығысындағы атысты тоқтату туралы келісім жасалды

Украина, Ресей және Еуропадағы Қауіпсіздік пен Ынтымақтастық Ұйымы келіссөз жүргізіп, Донбасстағы ымыраны қалпына келтіруге уағдаласты. Жаңа пәтуаға сәйкес, Украина армиясы мен ресейшіл сепаратистер атысты толық тоқтатуға тиіс. Мұны ОБСЕ-нің Киевтегі арнайы өкілі хабарлады.

Айта кетсек, тараптар қақтығысты доғару туралы соңғы келісімді былтыр шілдеде жасаған. Бірақ, соңғы айларда Украинаның шығысында оқ ату қайта жиілеп кетті.

Бұл аймақта негізгі соғыс 2015 жылғы Минск келісімімен аяқталғаны белгілі. Алайда, сол бітім қайта-қайта бұзылып, Луганск және Донецк облыстарында талай адам қарулы жанжалдардың құрбанына айналды.

Арыстан Рысбек