Жаңалықтарды Telegram арнамыздан оқыңыз!Қытайдың Сиань қаласы 13 миллион тұрғынымен бірге карантинге жабылды. Жаңа ережеге сәйкес, кіріп-шығу шектеліп, мегаполистің өз ішінде де қозғалыс тоқтатылған. Локдаунға желтоқсанның 17-нен бері коронавирус жұқтырғандар саны артып, 200-ден асуы себеп болды. Дегенмен, олардың көпшілігі «омикрон» жұқтырмаған. Бүгіннен бастап Сианьда әр үйден бір адам ғана екі күнде бір мәрте дүкенге бара алады. Жұмысы маңызды азаматтар ғана қызмет орнына баруы тиіс деген бұйрық жарияланып отыр. Айта кетсек, пандемияның басынан бері материктік Қытайда100 мыңнан астам адам коронавирусқа шалдыққан.
Арыстан Рысбек
