Малайзияда су тасқынынан 14 адам қаза тапты

Малайзияда алапат тасқын құрбандарының саны 14-ке жетті. Мұнда өткен апта соңында төпелеп жауған жаңбырдан сегіз штатты топан жайлап, бірталай қалашық пен ауыл жартылай суға кеткен. Сонымен қатар, талай адам жоғалып кеткендіктен, қаза тапқандар көбеюі мүмкін. Ал, 51 мыңдай тұрғын қауіпсіз жерге көшірілді. Жергілікті үкімет болса, апатқа баяу жауап берді деп үлкен сынға ұшырап отыр.

Ел астанасы Куала-Лумпурдың бір бөлігін де тасқын жайлаған. Мұнда да су деңгейі 1971 жылғы тасқыннан бері мұнша көтерілмеген екен.

Арыстан Рысбек