Жаңалықтарды Telegram арнамыздан оқыңыз!Италияда газ жарылып, бірнеше ғимарат құлағанда қаза тапқандардың саны 7-ге жетті. Құрбандардың ішінде осы айда босануы тиіс болған жүкті әйел бар. Тағы 2 тұрғын жоғалып кеткен.
Қайғылы оқиға Сицилия аралындағы Равануса қаласында болды. Жергілікті басшылықтың мәлімдеуінше, екі үй толық қирап, бірнешеуі жартылай зақымданған. Қазір құтқарушылар жоғалып кеткендерді іздестіріп жатыр.
Үйінділер астынан екі адам тірі табылды. Газдың неге жарылғаны белгісіз. Қазір тергеу жүріп жатыр.
София Романо, жергілікті сақтандыру агенттігінің қызметкері:
Эмоционалдық деңгейде бүкіл қала толығымен жойылды деуге болады. Енді басқа ештеңе ойлай алмаймыз. Рождество тойланбайды. Өйткені оны мерекелейтін көңіл күй жоқ бізде.
Арыстан Рысбек
