G7 елдері Ресейге қатаң ескерту жасады

Егер Ресей Украинаға әскери басқыншылық жасайтын болса, оның зардабын тартып, өте қымбат құн төлейді. Мұны «Үлкен жетілік» елдерінің сыртқы істер министрлері жексенбі күні Ұлыбританияның Ливерпуль қаласында өткен саммитте ескертті.

Бақуатты мемлекеттердің бас дипломаттары кездесуде негізінен Украина шекарасында қалыптасқан жағдайды талқылады. Олардың болжамынша, Мәскеу Донбасс маңына ондаған мың жауынгер шоғырландырып, көрші елге алдағы жылдың басында басып кіруге әзірленіп жатыр. Ресей үкіметі болса, мұны үнемі жоққа шығарып келеді. Және Кремль АҚШ пен Еуропа одағынан Украинаны НАТО-ға алмауға кепілдік беруді талап етіп отыр.

Арыстан Рысбек