Испанияның Барселона қаласында өрттен 4 адам қаза тапты

Бүгін Испанияның Барселона қаласында өрттен 4 адам қаза тапты. Құрбандардың екеуі – жаңа туған нәресте мен 3 жасар бала.

Қайғылы оқиға бұрынғы банкте болған. Оның ғимаратына екі отбасы бір кездері заңсыз қоныстаныпты. Тағы төрт кісі аман құтқарылды.

Өрттің небен басталғаны белгісіз. Қазір тергеу жүріп жатыр.

Барселонада бос жатқан ғимараттарды әдетте үйсіздер иеленеді. Былтыр желтоқсанда қожайыны жоқ қоймада бірнеше адам опат болған.