Жаңалықтарды Telegram арнамыздан оқыңыз!Нұр-Сұлтанда ревакцинация қызу жүріп жатыр. Бүгін қалалық Денсаулық сақтау басқармасының басшысы да коронавирусқа қарсы екпені қайта алды. Әрі Тимур Мұратов егу пункіне 13 жастағы ұлын да ерте келген. Ол Pfizer вакцинасының бірінші компонентін алды. Басқарма басшысының айтуынша, ұжымдық иммунитет қалыптастыру үшін оқушылар мен жүкті және бала емізетін әйелдердің де екпе алуы маңызды. Қазір бас қалада ревакцинация жасау үшін екпе жеткілікті. Төрт түрлі вакцинаның 120 мыңнан астам дозасы бар.
Тимур Мұратов, Нұр-Сұлтан қалалық Денсаулық сақтау басқармасының басшысы:
Негізі бас санитар дәрігердің қаулысы бойынша векторлық вакцина алған адамдарға ревакцинация жасау үшін инактивті вакцина алу керек. Сол себепті инактивті вакциналардың ішінде QazVac-ты таңдадым.
