Жаңалықтарды Telegram арнамыздан оқыңыз!Канаданың Британия Колумбиясы провинциясын су тасқыны жайлап, сел көшіп, төтенше жағдай жарияланды. Одан 1 адам қаза тауып, тағы бірнеше тұрғын жоғалып кеткен. Биліктің мәлімдеуінше, марқұмдардың саны бұдан да көп болуы мүмкін. Табиғи апат соққы берген аймақтарда жол жабылып, теміржол қатынасы үзілді. Меритт қаласының 8 мың тұрғынына қауіпсіз жерге көшу туралы бұйрық берілді. Оларды құтқаруға елдің Қарулы күштері тартылған. Ауа райы мамандарының мәліметінше, алдағы күндері тағы қатты нөсер жаууы мүмкін. Экологтар Канаданы жайлаған табиғи апатты климаттың өзгеру құбылысымен байланыстырып отыр.
