Ауа райына байланысты дабылды ескерту жарияланды

Бүгін еліміздің бас қаласы Нұр-Сұлтанда қатты боран болады деп күтілуде. Мұндай болжамды «Қазгидромет» мамандары жасап отыр. Жалпы, ауа райының құбылуына байланысты еліміздің барлық аймағында дабылды ескерту жарияланды. Оңтүстік пен шығыста қар жауып, жылдамдығы секундына 30 метрге дейін жететін жел соғады. Басқа облыстарда да бұрқасындатып, тұман түсіп, көктайғақ болады. Ауа райының бұлай бұзылуына солтүстік батыс циклоны әсер етіп тұр. Синоптиктердің хабарлауынша, бүгін тек Атырау облысында ғана жауын-шашын болмайды.