Британия Колумбиясы провинциясында 7 мыңдай адам қауіпсіз жерге көшірілді

Канаданың Британия Колумбиясы провинциясында өткен сенбіден бері төпелеп жауған нөсер соңы су тасқынына ұласты. Бір күнде жауын-шашынның бір айлық мөлшері жауған. Осыған орай Мерритт қаласында 7 мыңдай тұрғын қауіпсіз жерге көшірілді. Бұл жерде тасқын кезінде су тазарту станциялары істен шыққан. Су жайлаған аудандардан көліктеріне мініп кетпек болған 275 адам селге тап болып, таудағы көлік трассасында қалып қойды. Оларды құтқаруға тікұшақтар тартылған.