Қазынаға ірі бизнес субъектілерінен 3 триллион теңге салық түсті

 Ірі бизнес нысандарынан мемлекеттік бюджетке 3 трлн теңгеден аса салық түскен. Бұл өткен жылмен салыстырғанда 36 пайызға көп. Елде мұндай ауқымды компаниялар саны 343 болса, оның 98-і жер қойнауын пайдаланушылар. Қалғаны – экономиканың түрлі секторларында ірі салық төлеушілер.

Олар қазынаның жартысына жуығын толтырып отыр. Мемлекеттік кірістер комитетінің мамандары 9 айдың қорытындысы бойынша ең ірі көлемде салық төлеген компанияларды да атады.

Ануар Сүлейменов, ҚР ҚМ МКК Ірі салық төлеушілер департаментінің директоры:

Түсімдердің ұлғайуы пандемиядан кейін экономиканы қалпына келтіру және салықтық әкімшілендіру саласын жақсарту кезеңіне келді. Тоғыз айда 34 салықтық тексеру жүргізілді. Нәтижесі бойынша 46,5 млрд теңге салықтар мен өсімпұлдар қоса есептелді.