Қазақстанда дизель отыны қоры азайып кеткен

Қазақстанда дизель отыны қоры азайып кеткен. Бұл туралы Энергетика вице-министрі айтты. Әсет Мағауовтың сөзінше, 2021 жылғы өндірістің көлемі 4,9 млн тонна болады деп болжанып отыр. Алайда, Атырау мұнай өңдеу зауыты жоспардан тыс тоқтатылғандықтан, дизель отыны 239 мың тоннаға аз шығарылған. Оның үстіне, елде тұтыну көлемі артқан. Сөйтіп, керек Қор жиналмай қалды. Импортқа мәжбүрлік те, дизель отынының бағасын қымбаттатып жіберген. Былтыр бір литрі 188 теңге болған солярка қазір 330 теңгеге сатылуда. Баға тұрақталады деген вице-министр ішкі нарықты қамтамасыз ету үшін осы айда 330 мың тонна дизель отыны өндірілетінін айтты.