Мұғалімдер құқығын бұзу бойынша 70-ке жуық шағым түсті

Оқу жылы басталғалы Білім және ғылым министрлігіне мұғалімдердің құқықтарын бұзу бойынша 70-ке жуық шағым түскен. Заңсыз әрекеттер көбіне Алматы және Түркістан облыстарында орын алып отыр. Мысалы, Түркістан облысы Сарыағаш ауданындағы мектептердің бірінде мұғалімдер гольф алаңын тазалауға жұмылдырылған. Алматы облысы Текелі қаласындағы білім ошақтарының бірінде ақша жинау, педагогтарды басқа жұмыстарға тарту фактілері тіркелді. Мектеп директорлары жұмыстан босатылды. Айта кетейік, қазір аймақтарда педагогикалық әдеп жөніндегі комиссиялар құрылған. Олар мұғалімдердің құқықтарын бұзу бойынша шағымдарды қабылдайды.

Дарын Сағитов