Жаңалықтарды Telegram арнамыздан оқыңыз!
Алматыда эпидахуал тұрақталып келеді. Соңғы тәулікте 611 адамнан инфекция анықталған. 576 науқастың симптомдық белгілері бар. Қаладағы инфекциялық стационарларда 3 мың пациент ем алып жатыр. Оның 91-і бала. Ал 287 науқастың жағдайы ауыр. Олар жалпы реанимация және қарқынды терапия бөлімшесінде. 49 пациент өкпені жасанды желдету құрылғысына қосылған. Алып шаһардағы вакцинацияға келсек, бір тәулік ішінде 1-компонентты 3 085 адам, ал екіншісін 4 640 адам салдырған. Жалпы екпе алғандардың 115 мыңнан астамы - 60 жастан асқандар. Қаладағы медициналық ұйымдарда, мәдениет, спорт нысандарында, базарлар мен сауда орталықтары, әуежайда 160-тан аса вакцинация пункті жұмыс істеп тұр.
Жазира Оразқызы
