Мемлекет басшысы еліміздің паралимпиада құрамасын қабылдады

Мемлекет басшысы Токиодағы Паралимпиада ойындарына қатысатын ел құрамасын қабылдап, оларға сәттілік тіледі. Биылғы жарыс 24 тамыз бен 5 қыркүйек аралығында өтеді. Сайысқа еліміздің атынан 25 спортшы қатысады. Олар спорттың 7 түрінен ел намысын қорғамақ. Айта кетейік, бұл Қазақстан спортшылары қатысатын алтыншы Паралимпиада ойыны болмақ.

Қазір Қазақстанда паралимпиадашыларға қолдау ерекше. Ел бойынша 20 мыңнан астам спортшы бар. Олардың 500-ден астамы ұлттық құрама мүшесі. Бұл спортты дамыту үшін өңірлерде 16 арнайы клубтар мен мектептер жұмыс істеп жатыр. 2008 жылы Елордада паралимпаиадаға арналған жаттығу орталығы да ашылды.

Амангелді Сейітхан